२८ जेठ २०७४, रामेछाप ।
नेकपा माओवादी विप्लव समुहद्धारा रामेछापको खाडाँदेवी गाउँपालिकामा जग्गा कब्जा भएको छ ।
 |
| नेकपा माओवादी विप्लव समुहद्धारा रामेछापको खाडाँदेवी गाउँपालिकामा जग्गा कब्जा भएको जग्गा |
विप्लवका कार्यकर्ताहरुले आइतबार झण्डा गाडेर जग्गा कब्जामा लिएका हुन् । नेकपा माओवादी विप्लव समुहका रामेछाप जिल्ला सदस्य शेरबहादुर तामाङ विवेकका अनुसार सुनापति गाउँपालिका–२ दिमीपोखरीका मोहन घिसिङको खाँडादेवी गाउँपालिका–७ गाल्पा निजिकैको वतासे डाँडाको जग्गा उनीहरुले कब्जा गरेका हुन् । कब्जा गरिएको जग्गाको क्षेत्रफल ४० रोपनी रहेको छ । एक स्थानीयको जग्गा ललाई फकाई सस्तो मुल्यमा किनेको भनि उनीहरुका परिवारले उजुरी गरेपछि उनलाई पटक पटक छलफलको लागि बोलाउँदा पनि नआएकोले जग्गा कब्जा गरेको तामाङले बताए ।
पार्टीमा ७ जना स्थानीयले उजुरी गरेको पनि तामाङले जानकारी दिए । दुवै पक्षलाई राखि छलफल गरेर निचोडमा नपुगेसम्म सो जग्गा आफूहरुको नियन्त्रणमा रहेको उनले बताए ।
साभार तामाकोशि अनलाईन
