बैशाख २५,नारायण श्रेष्ठ,रामेछाप
नेपाल राष्ट्रिय दलित मुक्ती मोर्चा रामेछापको पाचौ जिल्ला सम्मेलन आज सम्पन्न भएको छ ।
जिल्ला सम्मेलन आयोजक समीतीका अध्यक्ष नारायण नेपालि नयनको सभाध्यक्षता एबं नेपाल राष्ट्रिय दलित मुक्ती मोर्चा प्रदेश नम्बर ३ का प्रमुख अम्बर बहादुर बिकको प्रमुख आतिथ्यतामा रामेछापको मन्थलिमा सम्मेलन सम्पन्न भएको हो ।
मोर्चाको पाँचौँ जिल्ला सम्मेलनले पुनः नारायण नेपालिको अध्यक्षतामा २९ सदस्सिय नयाँ कार्यसमिति चयन गरेको छ । सम्मेलनले उपाध्यक्षमा सरोज कटुवाल लाई सर्वसम्मत चयन गरेको छ । त्यस्तै मिन बहादुर खाती धड्कन र आकास रिजाल पनि उपाध्यक्षमा चयन भएका छन् । सचिवमा गम्भीर बिक चयन भएका छन् । सह सचिवमा सिताराम मुग्राती ,काजि मुग्राती र बालकुमारी बिक चयन भएका छन । त्यस्तै कोषाध्यक्षमा उद्धब बसेललाई चयन गरीएको छ । नयाँ कार्य समितिको केही दिन पछि बस्ने पहिलो बैठकले केहि महत्वपुर्ण निर्णयहरु गर्नेको जनाईएको छ ।
कार्यक्रममा बोल्दै कार्यक्रमका प्रमुख अतिथि नेपाल राष्ट्रिय दलित मुक्ति मोर्चाको ३ नम्वर प्रदेशका संयोजक अम्बर बहादुर विकले दलितका लागी नयाँ संविधानल व्यवस्था गरेका अधिकार कार्यान्वयनमा ल्याउन सबै एकजुट हुनुपर्ने बताउनुभयो । उहाँले दलितका लागी राज्यले धेरै कुराहरुको व्यवस्था गरेको भएपनि त्यसको प्रभावकारी रुपमा कार्यान्वयन हुन नसकेको बताउनु भयो ।
कार्यक्रमका अध्यक्ष नारायण बहादुर नेपालीले सङगठनलाई मजबुत बनाउन सबै मिल्नुको विकल्प नभएको बताउनुभयो । कार्यक्रममा पुर्व सांसद तारानारायण श्रेष्ठ, एमाओबादी रामेछापका जिल्ला सचिब प्रेमकुमार कार्की सेबक,बाइसिएल जिल्ला अध्यक्ष शेर बहादुर खड्का लगायतले मन्तव्य राख्नु भएको थियो । कार्यक्रमको सञ्चालन सरोज कटुवालले गर्नुभएको थियो ।
