काठमाडौं, फागुन २० । विश्व फुटबलको सर्वोच्च निकाय फिफाले मार्च महिनाका लागि जारी गरेको नयाँ वरीयताक्रममा नेपाली राष्ट्रिय फुटबल टोलीे तीन स्थान फड्को मार्दै १ सय ८५औं स्थानमा आएको छ ।
यसअघि, १ सय ८८औं स्थानमा रहेको राष्ट्रिय फुटबल टोली फिफाले विहीबार जारी गरेको नयाँ वरीयताक्रममा ३ स्थान माथि उक्लिँदै १ सय ८५औं स्थान ओगट्न सफल भएको हो ।
१ सय ५१औं स्थानमा रहँदै अफगानिस्तान दक्षिण एसियाको नम्बर एक टोली बन्दा नेपाल दक्षिण एसियामा पाँचौ स्थानमा छ ।
१ सय ९३औं स्थानमा रहेको भुटान दक्षिण एसियाको पुच्छारमा छ ।
फिफाको वरीयताक्रममा बेल्जियम शीर्ष स्थानमा कायमै रहँदा अर्जेन्टिना दोस्रो, स्पेन तेस्रो, जर्मनी चौथो र चिली पाँचौ स्थानमा छन् ।
