Home »
» गैसस महासंघ रामेछापको क्षेत्रीय भेला सम्पन्न
गैसस महासंघ रामेछापको क्षेत्रीय भेला सम्पन्न
रामेछाप । माघ ५ गते,
गैर सरकारी संस्था महासंघ नेपाल रामेछापको २ नं क्षेत्रीय भेला मंगलबार दोरम्बामा सम्पन्न भएको छ । भेला महासंघका जिल्ला अध्यक्ष मिलन कुमार घिसिङको अध्यक्षतामा भएको थियो ।
भेलाले तेजलाल योञ्जनको अध्यक्षतामा ११ सदस्सिय क्षेत्रीय समिति गठन गरेको छ । जसको उपाध्यक्ष र सचिवमा क्रमश राजुराम पाठक र नोर्वु तामाङ रहेका छन् । भेलामा महासंघका जिल्ला अध्यक्ष मिलनकुमार घिसिङले गैरसरकारी संस्था महासंघ नेपाल रामेछापले सञ्चालन गरेको गतिविधिको बारेमा जानकारी गराउनु भएको थियो । उहाँले गैसस महासंघको आगामि नीति तथा कार्यक्रमको बारेमा समेत जानकारी गराउनु भएको थियो ।
कार्यक्रममा क्षेत्रीय समितिको काम कर्तव्य तथा अधिकारको बारेमा समेत छलफल भएको थियो । कार्यक्रममा गैसस महासंघका जिल्ला उपाध्यक्ष भुवन श्रेष्ठ, कोषाध्यक्ष रत्नप्रसाद कँडेल, महासंघका निवर्तमान मध्यमाञ्चल क्षेत्रीय सदस्य गोपाल श्रेष्ठ लगायतले मन्तव्य राख्नु भएको थियो ।
