रामेछाप । माघ ५ गते,
इन्धन र भारतबाट आयात गर्नुपर्ने विटुमिनको अभावले रामेछाप विमानस्थल कालोपत्रे गर्ने योजना १० महिनादेखि अलपत्र परेको छ ।
जिल्ला प्रशासन कार्यालयले जिल्लामा अत्यावश्यक सेवा र निर्माण कार्यलाई ईन्धन उपलव्ध गराउने प्रतिवद्धता जनाइरहेका बेला विमानस्थल निर्माणमा सलग्न निर्माण व्यवसायी भने इन्धन र विटुमिनको खोजीमा काठमाडौंतिर भौंतारिरहेका छन् ।
‘म नागरिक उडड्न प्राधिकरणमा यहि कामले आएको छु,’ निर्माण व्यवसायी केदार कार्कीले टेलिफोनमा भने, 'प्राधिकरणले अग्राधिकार दिएर इन्धन र विटुमिनको व्यवस्थापनका लागि पत्राचार गरेको जनाउ दिएको छ ।'
कालोपत्रेका लागि १५ हजार लिटर मट्टीतेल र ७ हजार लिटर डिजेल आवश्यक पर्ने उनले वताए ।
काठमाडौं भन्दा पूर्वपहाडमा सवैभन्दा नजिक पर्ने रामेछाप विमानस्थललाई प्राधिकरणले आपतकालिन अवतरण र होल्ड भएका विमानहरुलाई राख्ने गर्दै आएको थियो । कालोपत्रे नहुँदा पनि उक्त विमानस्थल बाह्रै महिना उडान र अवतरणका लागि उपयुक्त मानिथ्यो ।
- टीकाप्रसाद भट्ट , मन्थली
- टीकाप्रसाद भट्ट , मन्थली
