रामेछापमा दिदी भेट्न गएका रामबहादुर मृत भेटिए

    रामेछाप, असोज ४ – रामेछापको राकाथुम– ३ का रामबहादुर तामाङ दिदी भेट्न पाँच दिन अघि रामेछापकै भिरपानी पानी गएका थिए । फुपू दिदी भेट्न गएका रामबहादुर तामाङ घर नफर्किएपछि रामबहादुरका परिवारले प्रहरीमा खबर गरेका थिए । 

प्रहरीले मंगलबार खनियापानी–३ भिरकोटको गोरेटो बाटोबाट झण्डै दुई सय मिटर तल भिर पाखोमा रामाबहादुरको शव भेटेको प्रहरीले जनाएको  छ ।

तामाङको मानसिक अवस्था ठिक नभएको जिल्ला प्रहरी कार्यालय रामेछापले जनाएको छ । उनको शव पोष्टमार्टमका लागि जिल्ला सदरमुकाम मन्थली लगिएको छ ।
Source:Ujyaloonline.com