रामेछाप, भदौ २७ गते
रामेछाप जिल्लाको सदरमुकाम मन्थलीमा आज वितेका १० वर्ष यताकै सबैभन्दा बढी वर्षा भएको छ ।प्रयाजसो पानी नपर्ने सदरमुकाम मन्थलीमा हिजो साँझदेखि लगातार वर्षा भइरहेको छ । बर्षाको कारण जिल्ल्लाभरको जनजिवन प्रभाबित बनेको छ ।
आइतबार साँझदेखि लगातार परेको वर्षको कारण पहिलो किस्ता वापतको रकम लिन सदरमुकामका बैंकहरुमा आएका भूकम्पपीडितहरु समेत प्रभावित भएका छन् । २०६३ साल यता यति ठूलो र भारी वर्षा नभएको स्थानीयबासीको भनाई छ । सदरमुकाम मन्थलीमा नेकपा एमालेका बरिष्ठ नेता मावधकुमार नेपालको प्रमुख आतिथ्यतामा हुने भनिएको कार्यक्रम समेत प्रभाबित बनेको छ ।
यसैबिच आइतबार साँझादेखि लगातार परेको वर्षाबाट स्थानीय खोल्सामा आएको बाढीले रामेछापको कुभुकास्थली गाविसका बस्तु गोठ बगाउँदा १३ वटा चौपया मारिएको छ । बाढीले बगाएर रामेछाप कुभुकास्थली–५ ब्रान्डेट टोलका ओलखबहादुर सुनुवारको २ वटा गोरु, १ गाई र १ भैस, रङ्गबहादुर कार्की १ गोरु र २ गाई बगाएको छ । त्यसैगरी सोही वडाका कासीदाश श्रेष्ठको ३ वटा राँगा, १ गाई र २ वटा गरुको बाढीले बगाएर मृत्यु भएको जिल्ला प्रहरी कार्यालय रामेछापले जानकारी दिएको छ ।
पहिरोले पुरेको १ गोरु र २ वटा गाईको प्रहरी र स्थानीयबासीको सक्रियतामा जिवितै उद्धार गरिए पनि सख्त घाइते रहेको प्रहरीले बताएको छ । वर्षा निरन्तर भइरहेकाले सो क्षेत्र अझै उच्च जोखिममा रहेको छ ।
हेर्नुहोस केही फोटो फीचर :
