रामेछाप पौष २१ गते
आफ्नै भाइकी छोरीलाई विगत २ वर्षदेखि जबर्जस्ती बलात्कार गर्ने एक अभियुक्तलाई आज रामेछाप जिल्ला अदालतले पुर्पक्षका लागि थुनामा पठाएको छ ।
जिल्ला न्यायाधीश किरणप्रसाद शिवाकोटीको इजलासले १५ वर्षीया भतिजी बलात्कार गर्ने मन्थली नगरपालिका ५ का ५६ वर्षीय जितबहादुर बूढाथोकीलाई पुर्पक्षका लागि थुनामा पठाउने आदेश गरेको हो । जिल्ला अदालतका डिठ्ठा दुर्गाप्रसाद सत्यालका अनुसार विगत २ वर्षदेखि बूढाथोकीले भतिजीलाई निरन्तर बलात्कार गर्दै गर्भपतन समेत गराएका थिए । आफूलाई ठूलाबाले जबर्जस्ती करणी गरी गर्भपात समेत गराएको पीडितले बताएपछि घटना सार्वजनिक भएको सत्यालले बताउनुभयो । पीडक बूढाथोकीलाई जबर्जस्ती करणीको ३ र हाडनाताको महल अनुसार सजायँ हुनुपर्ने दाबी लिइएको जिल्ला अदालत रामेछापले जनाएको छ ।नवराज श्रेष्ठ
