माघ १२, २०७२- रामेछापको उत्तरी भेगमा मंगलबार साँझ भारी हिमपात भएको छ । गुम्देलको सेर्दिङमा २ फिट भन्दा धेरै हिमपात भएको छ । गुम्देलकै क्यामा, लाहाछेवरमा समेत बाक्लो हिउँ थुप्रीएको छ ।
वाम्तीको देउराली, थोदुङ , प्रितिको लाप्चाने, गुप्तेश्वरको भितरीखानी र तावे क्षेत्रमा मंगलबार साँझदेखि हिउँ र्झन सुरु गरेको छ । स्थानीय श्याम श्रेष्ठका अनुसार बाक्लो हुस्सु सगैं हिउँ झरेपछि लाप्चानेको जनजिवन कष्टकर छ ।
यसैगरी रस्नालुको खोलाखर्क क्षेत्रमा अत्याधिक चिसो बढेको छ । हिउँ १ फिट भन्दा बढी भइसक्यो स्थानीय मनिषा सुनुवारले भनिन् ।- टीकाप्रसाद भट्ट , मन्थली
