Home »
रामेछाप भित्र
» जिल्ला पशुसेवा कार्यालयको यस बर्षको बिनियोजित बजेट ५ करोड,कार्यक्रममा के भने जिल्ला स्तरका नेताहरुल हेर्नुहोस ।
जिल्ला पशुसेवा कार्यालयको यस बर्षको बिनियोजित बजेट ५ करोड,कार्यक्रममा के भने जिल्ला स्तरका नेताहरुल हेर्नुहोस ।
रामेछाप,भदौ २ गते
मन्थली/ जिल्ला पशुसेवा कार्यालयको यस बर्षको बिनियोजित बजेट ५ करोड जिल्ला पशुसेवा कार्यालय रामेछापले आर्थीक बर्ष मा सम्पन्न गर्नुपर्ने कार्यक्रमको परिचयात्मक गोष्ठी आज सम्पन्न गरेको छ ।
उक्त कार्यालयको आर्थीक बर्ष २०७३/७४ को बिनियोजित बजेट ४ करोड ९९ लाख ७३ हजार रहेको कार्यालय प्रमुख ज्ञान बहादुर थापाले जानकारी दिनुभयो । कार्यलयले यस बर्ष अण्डामा आत्मनिर्भर कार्यक्रम, मासुमा आत्मनिर्भर कार्यक्रम, दुध तथा दुग्ध जन्य पदार्थमा आत्मनिर्भरता कार्यक्रम र जिविकोपार्जन सहयोग कार्यक्रम अन्र्तगत उक्त रकम बिनियोजन गरीएको हो । कार्यलयले यस आर्थीक बर्षमा जिल्लाको साघुटार र दोरम्वा केन्द्र मध्य एक ठाउमा सेवा केन्द्र भवन बनाउने योजना रहेको पनि कार्यालय प्रमुख थापाले बताउनु भयो ।
कार्यक्रममा बोल्दै पुर्ब सासंद तारानारायण श्रेष्ठ बिगुलले पसुसेवा कार्यलयले कुरा अनुसारको काम नगरेको बताउनुभयो । गत बर्ष युवा लक्षीत कार्यक्रममा १२ किलोका बोकालाई २० हजारमा किनेर कृषकलाई वाडिएको उहाले बताउनुभयो । पशुसेवा कार्यलयले सिधै कृषक लाई अनुदान रकम नदिई ठेक्केदारबाट बोका किनी कृषकलाई बाड्दा ठेक्केदारलाई फाईदा हुने काम गरेको उहाको भनाई थियो । यस्तो समस्या समाधानको लागी पशु सेवा कार्यालयले अनुगमनको कार्यलाई तिब्र पार्नु पर्ने उहाले बताउनुभयो ।
त्यस्तै नेपालि कंग्रेस रामेछापका जिल्ला सभापति लवश्री न्यनैपानेले सरकारले घास र दानापानिको पुर्व तयारी गरेर मात्र कृषकलाई गाई भैसि पाल्न अनुदान दिनुपर्ने बताउनुभयो । कृषकले बिना तयारी गाई भैसि कीन्दा घास खुवाउन नपाएको उहाको गुनासो छ ।
नेपाली कंग्रेसका जिल्ला सचिब लेख बहादुर कार्कीले पशु सेवा कार्यलयले वास्तवीक किसानको पहिचान गरी आफ्नो सेवा सुबिधा दिन नसक्दा गैर किसानलाई बढि फाईदा भएको बताउनुभयो ।
निमीत्त स्थानिय बिकास अधिकारी दिपक प्रसाद सुवेदिको अध्यक्षतामा भएको कार्यक्रममा प्रमुख जिल्ला अधिकारी प्रकाश चन्द्र अधिकारीको प्रमुख आतिथ्यता एवं पुर्बसांसद तारानारायण श्रेष्ठको बिशेष आतिथ्यता रहेको थियो ।
कार्यक्रममा बिभिन्न राजनैतिक दलका प्रतिनिधी, सरकारी तथा गैर सरकारी कार्यलयका पमुख एंब प्रतिनिधि, सरोकारवाला निकाय, पत्रकार लागायतको आतिथ्यता रहेको थियो ।
