०९ पौष रामेछाप
रामेछापको मन्थली नगरपालिकाको वडा नम्बर ८ स्थित सालुको गैराथोकमा आज अपरान्ह आगलागी हुँदा दुई वटा घर पूर्ण रुपमा जलेर नष्ट भएका छन् ।
स्थानीय दिनेश आलेमगर र राम बहादूर आलेमगरको घर जलेर पूर्ण रुपमा नष्ट भएका हुन् । आगलागीमा परी २ वटा गोठ पनि जलेका छन । आगो स्थानीय बासिको सक्रियतामा नियन्त्रणमा आएको छ । आगलागीबाट कुनै मानवीय क्षति भने हुन पाएन । आगलागीबाट करिब चार लाख बराबरको धनमाल जलेर पूर्ण रुपमा नष्ट भएको बताईएको छ ।
