नारायण श्रेष्ठ,चैत्र १३,रामेछाप
रामेछाप जिल्लाका सबै कर्मचारीले कार्यालय समय भित्र तोकिएको पोशाक अनिर्वाय रुपमा लगाउने लगाउनु पर्ने निर्णय स्थानीय प्रशानले गरेको छ ।
प्रमुख जिल्ला अधिकारी शेषनारायण पौडेलको अध्यक्षतमा बसेको कार्यालय प्रमुखहरुको बैठकले सो निर्णय गरेको हो । त्यस्तै चैत्र १८ गते देखि सञ्चालन हुने एस।एल।सी। परीक्षालाई मर्यादित र व्यवस्थित रुपमा सम्पन्न गर्नका लागि सबैले आ–आफ्नो ठाउँबाट सहयोग गर्ने बताएका छन् । बैठकले जिल्लास्थित सबै सरकारी कार्यालयहरुको घर जग्गा तथा सवारी साधनको लगत प्राप्त भएको ढाँचा बमोजिम विवरण भरी चैत्र १४ गते भित्र कोष तथा लेखा नियन्त्रक कार्यालयमा पठाउने निर्णय पनि गरेको छ । साथै यही चैत्र १८ गतेदेखि सञ्चालन हुने एसएलसी परीक्षालाई मर्या्दित र व्यवस्थित रुपमा सम्पन्न गर्नका लागि सबैले आ–आफ्नो ठाउँबाट आवश्यक सहयोग गर्ने निर्णय पनि बैठकले गरेको छ । बैठकले जिल्ला प्रशासन कार्यालय रामेछापको आयोजनमा जिल्लाका भुजी, लखनपुर र गाल्पामा सञ्चालन भएको एकिकृत घुम्ति शिविर प्रभावकारी भएको भन्दै त्यसमा सघाउनेलाई धन्यवाद समेत दिएको छ । ती शिविरमा १ हजार ६ सय २ वटा नेपाली नागरिकता वितरण गरिएको थियो । साथै १ हजार ३ सय ४ जनाको फोटो सहितको मतदाता नामावली दर्ता र १ सय ३५ वटा अपाङ्गता परिचयपत्र वितरण गरिएको थियो । यसै गरी २ सय ८ जनालाई खानेपानी परामर्श तथा पिउस वितरण, ८ सय १४ जनाको आयुर्वे्दिक उपचार, ६ सय ६१ जनाको स्वास्थ्य जाँच तथा औषधि वितरण पनि सो शिविरमा गरिएको प्रमुख जिल्ला अधिकारीद्वार संप्रेषित समाचारमा उल्लेख छ । तीन ठाउँमा सञ्चालन भएका शिविरमा १ हजार ३ सय ६६ जना कृषकलाई विउबिजत वितरण, ६ हजार ८ सय ३३ पशु पंक्षिको औषधि वितरण तथा उपचार, २ सय २८ वटा टेलिमका रिम र सिम विक्रि वितरण गरिएको थियो । शिविरमा स्थानीयलाई भूकम्प प्रतिरोधि भवन निर्माण, भू–संरक्षण सम्बन्धि परामर्श समेत दिइएको थियो ।
