शुक्रबार, चैत्र १९, २०७२-आज बिहान बसेको मन्त्रिपरिषदको बैठकले प्रधानमन्त्री ओलीको चीन भ्रमण सफल भएको निश्कर्ष निकाल्दै विभिन्न निर्णयहरु गरेको छ । बैठकले स्थानीय निकायको निर्वाचनको तयारीका लागि कानून संशोधन प्रक्रिया अघि बढाउने निर्णय पनि गरेको छ ।
साथै स्थानीय निकाय निर्वाचन कार्यविधि ऐन ०४८ लाई संशोधन गर्नका बनेको विधेयकलाई संसदमा प्रस्तुत गर्नको निम्ति सम्बन्धित समितिमा पठाउने समेत निर्णय गरेको छ ।
यसैगरी बैठकले नयाँ संविधानमा उल्लेख भएका संबैधानिक आयोगहरु गठनसम्बन्धी विधेयक तर्जुमाका लागि सैद्धान्तिक सहमति गरेको छ । बैठकले युरोपेली युनियन र भारतले जारी गरेको संयुक्त वक्तव्यप्रति आपत्ती जनाएको छ ।
बैठकले नेपालको सार्वभौमसत्ता र राष्ट्रिय अखण्डतामा प्रतिकूल असर पर्ने गरी भारत र युरोपेली युनियनले गरेको हर्कतको घोर भत्र्सना गरेको छ ।
